Besó la cabeça llorando e en su lugar la dexava;
La de Gustios Gonçález en braços la tomava,
De polvo e de la sangre muy bien la alinpiava,
Faziendo fiero duelo por los ojos la besava.
“Fijo Gustios Gonçález, avíades buena maña:
Non dixérades una mentira por quant maña es España.
Cavallero de buena guisa, buen feridor d’ espada:
Ninguno feristes con ella que no perdiese el alma.
¡Malas nuevas irán, fijo, de vós al alfoz de Lara!”
(1 votes, average: 5.00 out of 5)