Los vasallos del traidor, despedidos
Los vasallos de Ruy Velázquez vanse para don Mudarra:
“Señor, non nos culpedes, ca servimos nuestras soldadas;
Si vos ploguiere, seremos en vuestra conpaña.”
Entonce les dixo ese infante don Mudarra:
“Amigos, id vos en buen ora, vuestro servicio no me incala.
Mas dadme agora recabdo cómo me dedes Castro e Amaya,
Finquen al conde las heredades que d’ él avedes tomadas,
E vos id catar señor que bien vos faga,
Que en vida del conde ni en la mía non ganaredes nada.”
[…]
Ya mueven de Val d’ Espera, troçen el pinar de Argança,
Vanse con el traidor a Vilvestre su casa.
D’ allí enbían los mandados a Salas, a doña Sancha,
Que viniese a las bodas de don Mudarra.
E ella desque lo sopo, vino muy loçana.
(1 votes, average: 5.00 out of 5)